|
نقدم
في هذه الزاوية من العدد الخاص بالأغنية
والتراث العراقي، مختارات من قصائد شعرية
لشعراء غنائيين عراقيين ، حيث سيجد القارئ
في هذه المادة صوراً شعرية خاصة بجمالها
ومدلولاتها، على العكس مما تناولته
وتتناوله أجهزة الأعلام العراقية والعربية
عن صورة الأغنية العراقية كصورة قاتمة
وحزينة، وهي دعوة يراد منها تشويه الأغنية
العراقية والهبوط بها إلى مستوى الأغاني
العربية التي لا ترتقي حتى إلى أغاني
الدعايات التلفزيونية للسلع الإستهلاكية،
فالمعروف عن الأغنية العراقية هي أغنية
قصائد، وليست أغنية كلمات مركبة على لحن
كان قد أعد سلفاً. هنا يستطيع القارئ أن
يتلمس الفرق بين القصيدة المكتوبة
والأغنية من خلال استذكار الأغنية
والمقارنة بينها وبين القصيدة.
شوق
الحمام
( من ديوان حلم
وتراب للشاعر ذياب كَزار " أبو سرحان "
ص13 )
حسنج كَمر …
لو شمس …
لو فرحه لو زفّه
خليني حدر الزلف …
ترجيه
أرد أغفه
يلماي وين النبع … ؟
مدفون بالشفه
وشوق الحمام
ابهيد …
والونه ترفه
يلرمشه بستة فرح …
وعيونه تجليبه
يلطوله نايل عشق …
والشعر مدري به
مجتول من صيد أمس
من كثر تعذيبه !
وشوق الحمام
ابهيد ..
والونه ترفه
* * *
حفنة غوه بكل رمش
..
والنظره
حدّاري
ونهود زوم امتلن
..
مشحوف عشّاري
كلما أكَولن عفت
..
أرجع أويه الجاري
وشوق الحمام
ابهيد …
والونه ترفه
* * *
آنه أشتري بالعمر
…
ضحكه بحلم منّك
وأنساك كونك تحب
..
بس لا أغيظنّك
وأبكَه أسحن ابكل
نفس
ظلعين حبنَّك
وموت الحمام
ابهيد ..
من جور ولفه
* * *
شوغب يدرب النفس
..
منجل الفركَه وعرض
وروحي بجفك صفت ..
سبحه
وخرزهه النبض
لا ميّت ولأيَّست
…
ولاني أحس بمرض
ونوح الحمام
ابهيد …
من ضيم ولفه !!
* * *
شد وبري فوق
الزلف …
وبحسنه متغاوي
مدري الخدود
الضون ،
مدري الكَمر ضاوي
مدري بنوره احترق
..
مدري الكَلب داوي
وموت الحمام
ابهيد …
من جور ولفه
* * *
شابجت ليل وصبح
لعيونك اسوالف
والفني بس بالحلم
…
يلحلمك امخالف
انته المعاند صدق
.. ؟
لو حظّي الزالف !
وشوق الحمام
ابهيد .. والونه ترفه
* * *
ذبلن وعود العشق
بشفافك ..
وماتن
وطيور حبنه ارحلن
..
وي طيفك وتاهن
وكل المهاجر اجه،
وكَلبك بعد ما حن
وشوق الحمام
ابهيد ..
والونه ترفه
* * *
كاروك …
هودج
..
نعش، والدنيه مكَضيّه
والعمر شوق وألم
وآمال ورديّه
منك وفه إلدمعتي
..
ومن كَلبي حنيّه
وزق الحمام ابهيد
..
شفه بطرف شفه.
لحن
هذه القصيدة الملحن العراقي كوكب حمزة عام
1969، وغناها المطرب فاضل عواد، وهذه الأغنية
تعد من الأغاني العراقية المهمة في فترة
السبعينيات، حيث أن للصورة الشعرية التي
تحتويها والجمل الموسيقية التي ظهرت عليها
هذه الأغنية، شكلاً جديداً من أشكال
الأغنية العراقية لم تعتد عليها أذن
المستمع العراقي من قبل، شأنها بذلك شأن
أغلب قصائد الشاعر أبو سرحان. تأثر بهذه
الأغنية الكثير من المطربين العراقيين
بداية مشوارهم الفني، حيث حفظها المطرب
قحطان العطار وتقدم بها إلى لجنة الإختبار
عام 1972 في برنامج ركن الهواة الذي كان يقدمه
الفنان المرحوم كمال عاكف، وكذلك كانت هذه
الأغنية بمثابة الباب الكبير الذي دخل منه
الفنان رياض أحمد عندما تقدم إلى الإختبار
أمام لجنة فحص الأصوات في دار الإذاعة
والتلفزيون العراقية، حيث نجح بشكل ملفت
للنظر.
الكَنطرة
ابعيدة
( من ديوان حلم وتراب للشاعر ذياب
كَزار " أبو سرحان " ص39 )
حدر التراجي برد …
والكَنطره ابعيده
وأمشي وأكَول
أوصلت
والكَنطره ابعيده
ونكَضني مشي
الدرب
والشوق هز الكَلب
…
والكَنطره ابعيده
حلمانه برد الصبح
…
رجَّف
خلاخيلي
يا دفو جمّل دفو ..
يا كَمر ضوّيلي
ويا ذهب خيط
الشمس طوكَين سويلي
لايكَلي طوق
الذهب والدغش ما ريده
وأمشي وأكَول
أوصلت
والكَنطره ابعيده
* * *
لا لا يبرد الصبح
..
ما تحمل اجفوفي
ازغيره زجواني
العشق ..
وأتوسّد إزلوفي
هيمه وجحيل الوكت
..
ما لمني نفنوفي
لوذي إعله بعد
البعد ..
يا روحي
حدر ايده
وأمشي وأكَول
أوصلت
والكَنطره ابعيده
هذه
الأغنية أيضاً من ألحان الفنان كوكب حمزة،
حيث لحنها نهاية العام 1969، وقد بثها
التلفزيون العراقي عام 1970 بصوت الفنان كوكب
حمزة، وهي أغنية ذات صدى وشعبية واسعة،
غناها أكثر من مطرب عراقي مثل قحطان العطار
وكريم منصور وسعدون جابر وعايد نجم.
ابنادم
( من ديوان حلم
وتراب للشاعر ذياب كَزار " أبو سرحان "
ص85 )
إبهيده إعله بختك
لا تعت بيهه
... يبنادم إبهيده
روحي انحلت
والشوق ماذيهه
...
يبنادم إبهيده
ما جنهه ذيـج
الـروح ... يبنادم
ولا جنهه كلهه
إجروح ... يبنادم
والشوق ماذيهه ...
إشمالك تعت بيهه ؟
* * *
تسيوره عمري وياك
...
يبنادم
غفله وأخذني
الطيف
ولنهه بحلاة
النوم ...
يبنادم
روحي اعله روحك
ضيف
وأغفه ابهواك
اسنين ...
يبنادم
كيّف تراني بكيف
وراكد بروحي
الماي ...
يبنادم
ثاريهه غيمة صيف
!!
ثاريهه غيمة صيف
!!
* * *
بجي الشموع الروح
...
يبنادم
بس دمع مامش صوت
ورفّة جنح مكسور
...
يبنادم
كَلبي يرف بسكوت
لا هي سنه وسنتين
...
يبنادم
لا هيّه صحوت موت
حسبة عمر عطشان ...
يبنادم
والماي حدره
إيفوت !!
والماي حدره
إيفوت !!
عرف
المستمع العراقي هذه الأغنية من خلال صوت
المطرب حسين نعمة بعد أن قدمها له الملحن
كوكب حمزة عام 1970، والمستمع لهذه الأغنية
يستطيع أن يجد أجواء طقوس العزاء الحسيني
التي طالما تأثر بها الملحن كوكب حمزة،
خصوصاً في مقطعها الأخير.
يا غريب الدار
( عن ديوان "
المكَيّر " للشاعر زامل سعيد فتاح ص79 )
يا غريب الدار من
دار الأهل
هاك بوسة شوق معتز بيها
من نواعير الغفت
حدر النخل
من ثنايا الهور من برديها
هاك بوسة لعينك
الحلوه كحل
شوف بيها احبابك وناغيها
هاك وأدري الغربه
أبد ما تنحمل
مرة صعبة بحيلك تلاويها
هاك وأدري بدمعتك
ترفه وتهل
وأدري بيك بمستحه تلاويها
اشما ثكَل غيم
الوكت باجر يطل
فجر جيتك واحنه المتانيها
غنى هذه الأغنية
المطرب قحطان العطار ، وكان قد أسندها له
الملحن الراحل كمال السيد الذي قام بوضع
جمله اللحنية على هذه القصيدة الخاصة
بطعمها الذي يفوح برائحة الغربة.
فرد عود
( عن ديوان " المكَيّر " للشاعر
زامل سعيد فتاح ص 107 )
يل شاتل العوديـن
خـضر فـرد عـود
لا ينـشـري
وينبـاع لا منـه موجـود
يا دنيه اكبري
الوكت حمل عشكَنه ورود
سيَّر علنيه
الهوى وجفل
بكَايه الشوق
وجلمة هلا ومرحبه بس لحبيبي
تلوكَ
ياطعم
ذاك الأمس
لاله
ويه خيط الشمس
يا دنيه اكبري
الوكت حمل عشكَنه ورود
يل شاتل العوديـن
خـضر فـرد عـود
لا ينـشـري
وينبـاع لا منـه موجـود
اوليله فتـح طفـل يا
روحي عشق الراح
دمع التبرزل عسل وعثوقه
ما تنلاح
عطشانه
روحي وروت
ياعود
من خضَّرت
يا دنيه اكبري
الوكت حمل عشكَنه ورود
يل شاتل العوديـن
خـضر فـرد عـود
لا ينـشـري
وينبـاع لا منـه موجـود
أعاد كل من زامل
سعيد فتاح والفنان طالب القره غولي كتابتها
وتلحينها وغناها المطرب حسين نعمة عن أغنية
لناصر حكيم غناها في الأربعينات من القرن
الماضي .
|
