|
طارق
ياسين
إلى: ج.هـ
أشرب.. وطيفك نديمي..
وحدي.. وحدي
يا نديمي ما بقه بكاسي
خمر
ما بقه براسي دوار
وفوكـ راسي البنكه تدوي
وأنت طيفك وهم، من أوهام
سكري
طيف جمعّته بنأني من
النهار
يا نديمي إشربْ ويايه
جذب..
طمن وحشتي وانفرادي
أشماله فكري يشوف ايدك
تلتف اعله الكاس
وتكع الخمر، والكأس
بيدي.. وأنه وحدي
بغرفة معزولة، كراسيها
وضوه البيها غنه
وحدي أعرف روحي وأستوحش
وأغني لروحي وحدي
يمكن يكون الغنة.. هو
سبب طيفك الوهمي
يكبر الكاس ويكفي أثنين
مدْ أيدكْ وإشربْ
حتى أكدر أجرأ وأسكر
وأغني
أختلطت أوهام لبراسي ويه
طيفك
وأنفصل عني المغني
وآه يا روحي المحبة،.. ع
المحب زحمه بوحدته
يجد روحه صار طيف
أخر.................... ويسكت
|
